စက်တင်ဘာလ(၅)၊၂၀၂၅။
ဖြဝ်ꩻခမ်းအခဝ်နဝ်ꩻ ဝေင်ꩻနယ်ႏကလော်ꩻ(ပင်ႏတရား−ယေႏငံႏ)ပအိုဝ်ႏလိုꩻယွဲးစွိုꩻKPYO ထာꩻမာꩻအမုဆောင်ႏတွမ်ႏ “ရသစွုမ်းအွီႏ”လိတ်စောင်ႏထွာနွောင်ꩻရေꩻအွဥ်ငါသားဖုံႏ စက်တင်ဘာလာꩻ (၅)နီ မွူးနီ သောကြာမာꩻလွေꩻပွယ်ꩻအုံကွံ ဝေင်ꩻအောင်ႏပန်း ကုတင်၇၀၀ဖဲ့ငါ ပအိုဝ်ႏလိုꩻယွဲးစွိုꩻKPYO ရွုမ်ꩻခန်ꩻကိုအကျောင်ꩻသေထွဗာႏနဝ်သွူ
အုံကွံပွယ်ꩻအကို တွိုင်ႏပင်ႏဒေါ့ရီလွေꩻဝင်ꩻ “ရသစွုမ်းအွီႏ”ပအိုဝ်ႏလိတ်စောင်ႏထန်ႏနွောင်ꩻအီအတာႏ၊တတိယအလဲင်ႏလွိုက်ရွေꩻမွဥ်းဖျင်လွေꩻ ဝေင်ꩻနယ်ႏကလော်ꩻ(ပင်ႏတရား−ယေႏငံႏ)ပအိုဝ်ႏလိုꩻယွဲးစွိုꩻKPYO ထာꩻမာꩻအမုဆောင်ႏပွယ်ꩻမော့ခွဲးတာႏ၊ KPYO ထာꩻမာꩻအမုဆောင်ႏစွိုꩻယို အီႏလွိုက်ရွေꩻလွေꩻပွယ်ꩻမော့ခွဲးတန်ကိုထွူ လိုꩻယွဲးပွယ်ꩻမော့ခွဲးတန်ယိုအီႏမာꩻလွေꩻ 9လာꩻပဲင်ꩻ ဒုတိယပါတ်ကို ခင်ႏလမ်းဌာနတွမ်ႏမွူးနီꩻတဲ့အတီႏလꩻတောဝ်းဒွုမ်း အကျောင်ꩻသေထွဗာႏနဝ်သွူ
ပွယ်ꩻမော့ꩻခွဲးတန်ကိုယို အီႏဖစ်လွေꩻ ကလော်ꩻ ပင်ႏတရား ယေႏငံႏကိုကအဝ်ႏဒါႏပအိုဝ်ႏဒုံတွိုင်ꩻလိုꩻယွဲးအွဥ်ငါဖုံႏအကျောင်ꩻ ပွယ်ꩻအုံကွံကိုယို ဗွေႏရဟန်ꩻ(၈)ပါꩻတွမ်ႏ ပင်ႏတရား/ယေႏငံႏလိုယွဲးစွိုꩻ(၆၂)ဖြာꩻ ကျွꩻထင်ႏလွဥ်ꩻဝင်ꩻ အကျောင်ꩻသေထွဗာႏနဝ်ꩻသွူ
