ထုဲင်ႏခွေသွဥ်းတဖြာꩻထာꩻထီႏအနေႏ
နမ်းကျင်ꩻတရာꩻနဝ်ꩻ ထွာဒျာႏလိုꩻတဖြာꩻအကျင်ꩻစာႏရိတ္တ ၊ ဒါႏခြေင်ပညာႏလဲ့ အကျင်ꩻစာႏရိတ္တမဉ်ႏဟဝ်တဝ်းနဝ်ꩻ အသောင်အရင်ꩻအတာႏအန္တရာယ်ႏအာငါႏ၊
နီအသောင်အရင်ꩻ ယမ်ဖေႏကတရေꩻပိုႏလွဥ်နဝ် အဝ်ႏလိုႏဒျာႏ နမ်းကျင်ꩻတရာꩻဟဝ်တွမ်ႏ သွိုန်ႏဟဝ်သꩻစွဥ်ႏကပါဒါႏ လိုꩻမုꩻသွုပ်သံႏရေꩻ နုဲင်းနဝ်ꩻသွူသြ။
ခွေသွဉ်းကသေနာႏခါꩻဒါႏ
နမ်းကျင်ꩻတရာꩻကရိုꩻနဝ်ꩻ အွဥ်ႏရေꩻအခေႏခံႏလွေꩻ ငတ်ꩻပါꩻသီႏလ နီနမ်းတွမ်ႏဝင်ꩻတာႏ ယူႏဒျာႏတရျားရျား ထွားတရျားရျား ဒေါ့ꩻတရျားရျား ထွားလို့နီဖဲ့ꩻနီခဝ် ဟဝ်သꩻစာႏနာႏ မေတ္တာႏသဥ်စွို့ꩻ မဥ်ႏဗွို့ꩻနမ်းလိုꩻ ရိုꩻနမ်းကျင်ꩻတရာꩻဟဝ်။
ခေတ်ဟန်ႏသလဲင်ႏခါ လိုꩻယဟန်ႏနဝ်ꩻ
အဒေါ့ꩻအဖြဝ်ႏလဲ့သင် အခွုမ်အမာꩻလဲ့သင် အလင်ယူႏတဝ်းတဲင် ဝွေꩻတဖြာꩻအတာႏ ယမ်အီဒါႏငါ သꩻဗွာပယ်ႏထိုꩻ ဒေါ့ꩻရိုꩻခရာႏ မဲဥ်ႏမာႏခွယ်ꩻတဝ်း အဲဥ်ထဝ်းကရုဏာႏ မေတ္တာႏလဲ့ကေန်ꩻခြောဒျာႏဝင်ꩻအလောင်း
လိုꩻစားယိုတဲ့အဝ်ႏ
ဖေႏကထွာပုဲင်ႏနုဲင်းနဝ်ꩻ သတိထွို့ꩻကမ်း နီနမ်းဖြေင်းဗွာ ထွားချာဖျင်သင်ꩻ နမ်းကျင်ꩻစွို့ꩻစွဥ်ႏ ဟဝ်အွဥ်ႏငါႏသနယ်နော်
နောဝ်ꩻတွော့ꩻ နမ်းကျင်ꩻတရာႏဖေႏကဟဝ်နဝ် === ဖဝတဖူꩻအလောင်းကီ ထွေထောင်အီတွမ်ႏသဥ်သီႏလ တဖြာꩻတွမ်ႏတဖြာꩻ အလောင်း
စွဥ်ႏစွို့ꩻရိုꩻသာꩻမုꩻသစ္စာႏအဝ်ႏဗာႏ
သꩻသေနာႏဖေႏ လိုꩻလင်ထာꩻခံႏစာႏချက်အဝ်ႏဗာႏ၊
အွဥ်ႏရေꩻဗာႏ လိုꩻအလောင်ႏလင်ထာꩻထီႏ၊
နမ်းအမာႏအတာႏ ထူႏတာႏဝွန်ႏနွောင်ꩻဗာႏ၊
ခွင်ꩻလွစ်သေနာႏဖေႏထွိုက်သင်ꩻဒါႏ ဝင်ꩻအမာႏလဲ့ ခွင်ꩻလွစ်ဒါႏဗာႏ၊
နဝ်ꩻတွော့ꩻနမ်းကျင်ꩻတရာꩻမဥ်ႏကုဲင်နဝ်ꩻ
ဝင်ꩻထာꩻယွုမ်းအံႏ နီအလောင်းယို ကုဲင်ပြင်ꩻဒါႏ ၊ ထွာလွဥ်အီဒါႏ လိုꩻမုꩻရေꩻပျဿနာႏ၊ သꩻခိုးလျားနန်းခီꩻ သꩻတရေင်ခရာႏအကျောင်ꩻ ကုဲင်းပေါႏလွဥ်အီဒါႏ။
မဥ်ႏဒေါ့ꩻတဖဲ့ꩻ နမ်းကျင်ꩻတရာꩻမဥ်ႏဟဝ်နဝ်ꩻ လိုꩻမုꩻသွုပ်သံႏရေꩻအကို လꩻအီဝင်ꩻထာꩻယွုမ်းအံႏ ၊ အမျာꩻအခါꩻ ဂွုဏ်ႏသိက္ခာႏလဲ့အဝ်ႏအီ ၊ အမျာꩻလွောင်ႏဗူႏမုꩻအတာႏထွာအီအာႏရဲင်ꩻတမျိုꩻ။
ခွေသွဥ်းတဖြာꩻထာꩻထီႏအလꩻ
လိုꩻတဖြာꩻအတာႏ အဆုံးယော့သွတ်ꩻ အထိုသွတ်ꩻ အောင်ႏမျင်ႏမုꩻနဝ်ꩻ ထွာဒျာႏ နမ်းကျင်ꩻတရာꩻဟဝ်အဝ်ႏနဝ်ꩻသွူ။
