၂၀၂၅ခုနှစ်၊ ဩဂုတ်လ(၂၂) ရက်နေ့ ရန်ကုန်မြို့၊ သိမ်ဖြူလမ်း၊ ပုံနှိပ်ရေးနှင့်ထုတ်ဝေရေးဦးစီးဌာန၊ စုပေါင်းခန်းမတွင် ကျင်းပသော (၃၁)ကြိမ်မြောက် ပခုက္ကူဦးအုံးဖေတည်ထောင်သော ပခုက္ကူစာပေဆု၊ ပညာရည်ချွန်ဆုနှင့် ပခုက္ကူဦးအုံးဖေစာကြည့်တိုက်စာအုပ်ဆု အခမ်းအနားကျင်းပခဲ့ကြောင်းသိရပါသည်။
အဆိုပါ စာပေဆုပေးပွဲအခမ်းအနားတွင် ပအိုဝ်းအမျိုးသားအဖွဲ့ချုပ်(PNO)၊ ဗဟို နာယကဟောင်း ဖြစ်သော ဖြားတန်ခွန်မောင်တုတ် က “ပအိုဝ်းအမျိုးသားခေါင်းဆောင် ဦးအောင်ခမ်းထီ၏ နိုင်ငံရေးခရီး” စာအုပ်ဖြင့် ပခုက္ကူဦးအုံးဖေစာကြည့်တိုက်စာအုပ်ဆု ဆွတ်ခူးရရှိခဲ့ကြောင်းသိရှိရပါသည်။ အဆိုပါ စာအုပ်ကို အရှင်မဟောသဓ (ကျောက်တလုံးကြီးမြို့၊ နောင်လုံပရိယတ္တိစာသင်တိုက်) နှင့်အဖွဲ့မှ စီစဉ်သူအဖြစ် ၂၀၁၈-ခုနှစ်၊ ဖော်ဖော်ဝါရီလမှာ ပထမအကြိမ်အဖြစ် အုပ်ရေ (၁၀,၀၀၀) ဖြင့် ရေးသားထုတ်ဝေခဲ့တာဖြစ်ပါသည်။
ဖြားတန်ခွန်မောင်တုတ်ဟာ ပအိုဝ်းဒေသငြိမ်းချမ်းရေးကိုမြတ်နိုးတန်ဖိုးထားသူပီပီ ငြိမ်းချမ်းရေးအတွက် ငယ်ရွယ်စဉ်မှ မကွယ်လွန်ခင်အထိ ဦးစီးဦးဆောင်ပေးခဲ့သည့်အပြင် ပအိုဝ်းအမျိုးသားရေးစာပေများကို စဉ်ဆက်မပြတ်ရေသားပြုစုခဲ့ပြီး ပအိုဝ်းအမျိုးသားအဖွဲ့ချုပ်(PNO) ဗဟို နာယကအဖြစ် တာဝန်ထမ်းဆောင်နေစဉ် ၂၀၂၃-ခုနှစ်၊ ဩဂုတ်လ(၂၃) ရက်တွင် တောင်ကြီးမြို့၌ လူကြီးရောဂါဖြင့် ကွယ်လွန်သွားခဲ့ပြီးဖြစ်ပါသည်။
ထို့ကြောင့် ယနေ့ပေးအပ်သည့်အဆိုပါ ပခုက္ကူဦးအုံးဖေစာကြည့်တိုက်စာအုပ်ဆုကို ဖြားတန်ခွန်မောင်တုတ် ၏ သား၊ သမီးများမှ ကိုယ်စားတက်ရောက်လက်ခံရယူပေးခဲ့ကြောင်းသိရှိပါသည်။
Credit
#ဖြားတန်ခွန်မောင်တုတ်
#ပအိုဝ်းအမျိုးသားခေါင်းဆောင်ဦးအောင်ခမ်းထီနိုင်ငံရေးခရီး
#စာပေဆု
