ဩဂတ်လာ ၇ နီꩻ၊ ၂၀၂၅၊ တောင်ႏကီꩻ
ပအိုဝ်ႏစွိုးခွိုꩻအစွိုꩻ(PNO)ပါတီ(ဗဟိုႏ) ဥက္ကဌစွိုꩻ၊ အွဥ်အကိုရေꩻစွိုꩻတွမ်ႏ ဝေင်ꩻနယ်ႏဥက္ကဌ၊ ဝေင်ꩻနယ်ႏအွဥ်အကိုရေꩻစွိုꩻဖုံႏ ဟန်ႏသနီꩻ ဩဂတ်လာ (၇)နီꩻ။ မွူးနီꩻ ကျာႏသပတေနီꩻကိုနောဝ်ꩻ မာꩻလွေꩻ ပွယ်ꩻအုံကွံ ဝေင်ꩻတောင်ႏကီꩻ၊ ပအိုဝ်ႏစွိုးခွိုꩻအစွိုꩻ(PNO)ပါတီ ခမ်းထီဌာႏနချွုတ်ရွုမ်ꩻကိုအကျောင်ꩻ သေထွꩻဗာႏနောဝ်ꩻသွူ။
ပွယ်ꩻအုံကွံကို ပအိုဝ်ႏစွိုးခွိုꩻအစွိုꩻ(PNO)ပါတီ၊ ဥက္ကဌဖြားခွန်စံလွင်ယို ကျွထင်ႏဒေါ့ꩻလွေꩻဖေႏ အဗွောင်ꩻငေါဝ်းငွါတွမ်ႏ ကမာꩻလွေꩻဗာႏ ပွယ်ꩻအုံကွံရေႏမိုးချက်ဖုံႏအကျောင်ꩻ သေထွꩻဗာႏ နောဝ်ꩻသွူ။
ပွယ်ꩻအုံကွံအကို အုံကွံတွိုင်ႏပင်ႏလွေꩻဝင်ꩻ ဝေင်ꩻနယ်ႏပါတီအစွိုꩻနွို့ကိစ္စဖုံႏ၊ ဝေင်ꩻနယ်ႏပါတီရွုမ်ꩻကိစ္စဖုံႏ၊ ၂၀၂၅ လွိုက်ရွေꩻပွယ်ꩻအခေႏအနေႏကိစ္စဖုံႏ၊ လွိုက်ရွေꩻပွယ်ꩻ အောင်ႏနွောင်ꩻရေꩻတာႏ ကအီႏမာꩻလွေꩻဒါႏ ပါတီအောင်ႏနွောင်ꩻရေꩻ ထာꩻမာꩻရဲဥ်းဖုံႏတွမ်ႏ ပါတီ အောင်ႏနွောင်ꩻရေꩻ ငွေါဝ်းပစိုႏ” ဆောင်ပုဒ်”
ကိစ္စဖုံႏအကျောင်ꩻ သေထွꩻဗာႏ နောဝ်ꩻသွူ။
ဟန်ႏသနီꩻကမာꩻလွေꩻဒါႏ PNOပါတီ ဗဟိုႏအရန်းတွမ်ႏ ဝေင်ꩻနယ်ႏအရန်း ဥက္ကဌစွိုꩻ၊ အွဥ်အကိုရေꩻစွိုꩻ ပွယ်အုံကွံကိုနောဝ်ꩻ ဖြောဝ်ꩻခမ်းအခဝ်နဝ်ꩻ၊ အထူဒေႏသ(၆)ကို ကအောဝ်ႏဒါႏ ဝေင်ꩻနယ်ႏ(၁၀)ကို ကထွာဒါႏ ဝေင်ꩻနယ်ႏဥက္ကဌ၊ ဝေင်ꩻနယ်ႏအွဥ်အကိုရေꩻစွိုꩻဖုံႏ ကျွထင်ႏလွဥ်ဝင်ꩻအကျောင်ꩻ သေထွꩻဗာႏနောဝ်ꩻသွူ။
