ဝါႏသနာႏပါဒါႏ အနုပညာႏ ခွန်နင်ႏသီးအတာႏ သꩻရေꩻခရာႏ

နီပအိုဝ်ႏလိုꩻမျိုꩻအနုပညာႏဖဲ့ꩻဆဲင်ꩻရာႏ ပွုံႏဆောင်ႏ ခဥ်ႏတွယ်ႏ ငေါဝ်းသချင်ꩻကစဒါႏ ပညဖုံႏယို အထီအသွီႏအဗွေတဗာႏကအဝ်ႏဒါႏ ကောယဲက်ခဥ်ႏတွယ်ႏဗီဒီယိုသားတဖြာꩻ(ဒါရိုက်တာ) ခွန်ကမ္ဘာ (ဟိုပုံꩻ)ယိုနောဝ်ꩻအထူꩻတဗာႏအနေႏ ဖန်ဖေႏထွူ ဝါႏသနာႏပါဒါႏအနုပညာႏနီပအိုဝ်ႏခွန်နင်ႏသီးအတာႏ အခွင်ꩻအရေꩻ ပွုံႏဖောႏအီအနာႏဂတ်အနုပညာႏ အီႏဗွောင်လွေꩻဖေႏသွဥ်တန်ꩻသေထွဗာႏသွူ။

ကောပ်နဝ်ꩻမꩻ ခွန်ကမ္ဘာအွဉ်ငါႏဒါႏ Ni khit Production Team (နီခေတ် ယဲက်တွယ်ႏထွတ်ထေvdစွိုꩻ) ထူႏတောဝ်းအခꩻ အီႏသွဥ်နယ်လွေꩻဖေႏဒါႏ ပွုံႏဆောင်ႏသွဥ်တန်ꩻအကို ပါသော့ꩻဒါႏအကျောင်ꩻခရာႏဖုံႏနောဝ်ꩻ
အဝ်ႏအခေႏ ဗꩻထမ်အရန်းထို ပွုံႏဆောင်ႏနယ်ꩻပညာႏ
အထီအသွီႏဗွေဒါႏ အွဥ်နယ်ဆရာႏ(နည်းပြ)သီး သွဥ်နယ်လွေꩻ တဖြာꩻစီꩻ ထွေထောင်အနယ်ꩻယမ်
နီဝါႏသနာႏပါရာꩻယို အွဥ်နယ်ပွုံႏဖောႏနွောင်ꩻအီတာႏ အခွင်ꩻအရေꩻ
ထွေထောင်လွေꩻ အနုပညာႏတဖူႏတဲင် လွူးအီနမ်းတာႏ ထုမ်ꩻနွောင်ꩻအီဒါႏ တဖူႏဆွုမ်ꩻ
တယ်ႏထောင်ႏအီလွေꩻလိုꩻမုꩻကွန်ရက်တောမ်ႏ
အနုပညာႏပြွူးဖြိုမုꩻဖုံႏနဝ်ꩻသွူ။

နောဝ်ꩻမꩻ ပေႏတန်ဖြားဆား ခွိုꩻရက်အနုပညာႏသားတွမ်ႏ မဲဥ်ထွာဒါႏ အွဥ်ငုဲင်ꩻအလွိုး (ပွုံႏဆောင်ႏ)သားယို ထင်ႏသွဥ်ထူႏနွောင်ꩻဒျာႏသွူသြ။
နဝ်ꩻတွော့ꩻ ခွန်ကမ္ဘာအွဉ်ငါဒါႏ Ni Khit Production Team ရေႏမိုးချက်နဝ်ꩻ
နီသွဥ်းသီး ပအိုဝ်ႏလိုꩻမျိုꩻ အနုပညာႏ ထိန်ꩻသိမ်ꩻရေꩻ ၊ဖေႏကပြွူးဖြို ထင်ႏထိုထဲင်းအရေꩻ တွမ်း နီသွဥ်းသီး ခွိုꩻသွုပ်တသာသီး အနုပညာႏအထီအသွီႏ အဗွေတဗာႏယမ်ကအဝ်ႏနွောင်ꩻရေꩻအတာႏ ရေႏရွယ်ႏနုဲင်းနဝ်ꩻသွူသြ။
နဝ်ꩻမꩻ မဲဥ်ဖောႏနယ်အထီအသွီႏ မဲဥ်ထွေထောင်ဒါႏ အနုပညာႏတဖူꩻသားအနေႏ ဟဝ်ခံႏသုမ်ꩻတဝ်းအခွင်ꩻအရေꩻယိုအကျောင်ꩻ ဒေါ့ꩻစေနယ်ဗာႏ နီပအိုဝ်ႏခွန်နင်ႏသီးဖုံႏသြ။