ဇူလိုင် (၃၀)ရက်၊ ၂၀၂၅
ရှမ်းပြည်နယ်(တောင်ပိုင်း၊ ဖယ်ခုံမြို့နယ်၊ လွယ်ပေါကျေးရွာအုပ်စု၊ လွယ်ပန်းစုံကျေးရွာမှာ ၂၀၂၅ ခုနှစ်၊ ဇူလိုင် (၃၀)ရက်နေ့ ဒေသခံပြည်သူလူထုများက ပအိုဝ်းအမျိုးသားတပ်မတော်(PNA)တာဝန်ရှိသူများကို ဖိတ်ကြားခဲ့ပြီး လူထုတွေ့ဆုံပွဲပြုလုပ်ခဲ့ကြောင်းသိရပါသည်
ရှေးဦးစွာ လွယ်ပန်းစုံကျောင်းထိုင်ဆရာတော်အား ကန္တော့ကြပြီး ဆရာတော်ထံ ငါးပါးသီလနှင့် ဩဝါဒများ ခံယူခဲ့ကြပြီး ပအိုဝ်းအမျိုးသားတပ်မတော်(PNA) တာဝန်ရှိသူတစ်ဦးက ပြည်သူလူထုများအတွက် လုံခြုံရေးကိစ္စဆောင်ရွက်ထားသည့်အကြောင်းအရာများကို ရှင်းလင်းတင်ပြခဲ့ပါသည် ။
ဒေသခံပြည်သူလူထု တစ်ဦးကလည်း ရပ်ရေးရွာရေးကိစ္စတွေကို လွတ်လွတ်လပ်လပ်မလုပ်ခဲ့ရတာ (၄)နှစ်ကြာပြီဖြစ်ကြောင်း စားဝတ်နေရေးကိစ္စတွေကို ခက်ခက်ခဲခဲ ဖြတ်သန်းနေရတဲ့အကြောင်း စီးပွားရေး၊ ကျန်းမာရေး၊ ပညာရေး လူမှုရေး၊ ဘာသာရေး စတဲ့ကဏ္ဍစုံ ကိစ္စတွေကို မဆောင်ရွက်နိုင်ခဲ့ကြောင်း နှင့် စိုက်ပျိုးရေးတွေ မလုပ်ရလို့ စားဝတ်နေရေးကိစ္စမှာ အလွန်ခက်ခဲခဲ့ကြောင်း ပြောကြားခဲ့ပါသည် ။
ဒေသခံပြည်သူလူထုများနှင့် ပအိုဝ်းအမျိုးသားတပ်မတော်(PNA)တာဝန်ရှိသူများ အပြန်အလှန်ဆွေးနွေးကြရင်း ညနေ (၂)နာရီအချိန်တွင် လူထုတွေ့ဆုံခြင်းအခမ်းအနားကို ပြန်လည်ရုပ်သိမ်းခဲ့ပါသည် ။
အဆိုပါလူထုတွေ့ဆုံခြင်းအခမ်းအနားကို ကျောင်းထိုင်ဆရာတော်နှင့်လွယ်ပန်းစုံဒေသခံပြည်သူလူထုများ၊ ပအိုဝ်းအမျိုးသားတပ်မတော်(PNA)တာဝန်ရှိသူများ တက်ရောက်ခဲ့ကြပါသည် ။
