အတွင်ꩻကာႏလယိုခါ နီရပ်ဒေႏသအကို လိုꩻပွုႏဆောင်ႏ ထာꩻဖြေꩻစာကူꩻကားသားတဲင် နွိလွဉ်ဒုံဆောင်ႏ လွဉ်သွမ်စာ ဝွေꩻသီးတခြိုꩻထွူ ထွားသွူလမ်းဗွေႏသား အခေႏအနေႏတွော့ꩻ မာꩻမွန်ꩻ မာꩻတငွိ တွမ်ႏ တသီႏ တဲင် ထူႏလွေꩻထိုꩻ လမ်းသားတခြိုꩻ ရွဉ်/ခံꩻ ဖုံႏအကျောင်ꩻ အောဝ်ႏဟွိန်ထွꩻဗာႏ နုဲင်းနောဝ်ꩻသွူ။
နောဝ်ꩻမꩻ ကထွာဒါႏ အွိင်ႏ/ဒုံ တာႏဝွန်ႏအောဝ်ႏပုဂ္ဂိုလ်ႏသီးဖုံႏ အနေႏ
(၁) လိုꩻတသဉ် ဖုံႏ မိဉ်ႏနွိလွဉ် နီဒုံဆောင်ႏရပ်ရာႏနောဝ်ꩻ အောဝ်ႏလိုႏ စွော့ꩻတက်ဒေါ့ꩻရီရီးရီးထွူတဲင်ꩻ အပွုႏမိဉ်ႏမဲဉ်ႏမꩻ ဟောဝ်ခွင်ꩻဖေႏ စာသော့ꩻခွင်ꩻသနယ် ။
(၂) ကထွာဒါႏ ခမ်းသားမွိးဖါဖုံႏလဲ့ ပေါႏမိဉ်ႏထီႏ လိုꩻတသဉ် (နီရပ်ကို ထီႏဖိုတဝ်းတလဲင်ႏလဲင်ႏ) နွိ/လွဉ်ဖြေꩻစာထာꩻဖုံႏနောဝ် ဟောဝ်လွေꩻဖေႏသေငါႏ ဒုံပွေါးသား တွမ်ႏ တာႏဝွန်ႏအောဝ်ႏသားဖုံႏသနယ်။
(၃) လိုꩻကလွဉ်နောဝ်ꩻစားနောဝ် လွဉ်နွောင်ꩻတွမ်ႏ အနယ်ꩻအမျိုꩻမျိုꩻတဲင် ရိတ်ခေႏယွယွဗာႏသွူ။ (မာꩻနမ်းဖြေꩻစာကူꩻကားသား၊ ကွဉ်ကꩻဗွိန်ဝင်ꩻခွမ်ꩻလာꩻတဲင် မာꩻနမ်း အစိုးရဝွန်ꩻထံꩻသား၊ အလူႏခံႏပုဂ္ဂိုလ်ႏသား ၊ ကုမ္ပဏီႏသား စတဲင်စတဲင် …နုဲင်းနောဝ်ꩻဖုံႏ.ထွာနွောင်ꩻဒါႏသွူ)
တညတဝ်းဒွိန်း ဗော့အတွင်ꩻယိုနောဝ်ꩻ ဝေင်ꩻနယ်ႏဟိုပုံꩻ၊ အွိင်ႏလွယ်အွန်ႏ၊ ဒုံတဒုံအကို လိုꩻတဟောဝ်တောဝ်းသား မာꩻနမ်း ထာꩻစာသား (ခွမ်ꩻလာစာသား) လွဉ်တွမ်ႏ ကာꩻပရိုဘောက် လိုꩻ (၅)ဖြာꩻ၊ အမူႏ(အွဉ်ငါသား) (၁)ဖြာꩻ တွမ်ႏ အခိုနောဝ်ꩻ (၄)ဖြာꩻ လွဉ်မာꩻတငွိထိုꩻလမ်းသားထွူ ထူႏသဲင်ꩻထိုꩻ လမ်းသားဥစ္စာႏပစ္စေꩻဖုံႏ နုဲင်းနောဝ်အကျောင်ꩻ သေထွꩻဗာႏ နုဲင်းနောဝ်ꩻသွူ။
