ဇူလိုင်လာ ၂၈ နီꩻ၊ ၂၀၂၅၊ အထူꩻဒေႏသ(၆)
ပအိုဝ်ႏစွိုးခွိုꩻအစွိုꩻ(PNO)ပါတီ(ဗဟိုႏ) အွဥ်အကိုရေꩻစွိုꩻတွမ်ႏ ဝေင်ꩻနယ်ႏညောင်ႏရွီႏ၊ ဝေင်ꩻနယ်ႏအရန်း ပါတီစွိုꩻယို ဟန်ႏသနီꩻ ဇူလိုင်လာ (၂၈) နီꩻ၊ မွူးနီꩻတနင်္လာႏကို မော့ꩻခွဲးလွေꩻဝင်ꩻ ဝေင်ꩻနယ်ႏညောင်ႏရွီႏ၊ အွိုင်ႏတနွိုင်ꩻဝွိုန်ꩻ၊ ဒုံဝါႏခြောင်ႏကိုတဲင် မွဥ်းဖျင်လွောင်ႏဗူႏ တသာလွေꩻယင်း ဝေင်ꩻနယ်ႏညောင်ႏရွီႏ၊ ဝေင်ꩻနယ်ႏကောႏမတီႏစွိုꩻတွမ်ႏ ဝေင်ꩻနယ်ႏထာꩻမာꩻအမုꩻဆောင်ႏစွိုꩻ နောဝ်ꩻသွူ။
ဟန်ႏသနီꩻ မော့ꩻခွဲးပွယ်ꩻအကို ပအိုဝ်ႏစွိုးခွိုꩻအစွိုꩻ(PNO)ပါတီ၊ အွဥ်အကိုရေꩻ(၁)ဖြားခွန်သန်းထူးတွမ်ႏ အွဥ်အကိုရေꩻ(၃)ဖြားခွန်တင်ထွဋ်နောဝ်ꩻ ဒေါ့ꩻခြုဲင်းနယ်ꩻလွေꩻဖေႏ မော့ꩻခွဲ့ꩻပွယ်ꩻ ရေႏမိုးချက် တွမ်ႏ မန်းခမ်းပါတီ နဲင်ႏငံႏရေꩻအခေႏအနေႏတဲင် အွဥ်အကိုရေꩻ(၄)ခွန်ဆောင်းရွှေနောဝ်ꩻ ဒေါ့ꩻခြုဲင်းနယ်ꩻလွေꩻဖေႏပါ ဝေင်ꩻနယ်ႏအရန်း ပါတီဖွဲ့ဗူႏပွုံႏအခရာႏတွမ်ႏ ကအီႏမွဥ်းဖျင်ꩻလွေꩻဒါႏ ဝေင်ꩻနယ်ႏကောႏမတီႏစွိုꩻတွမ်ႏ ဝေင်ꩻနယ်ႏထာꩻမာꩻအမုꩻဆောင်ႏစွိုꩻအခရာႏဖုံႏ နောဝ်ꩻသွူ။
ကမာꩻလွေꩻဒါႏ မော့ꩻခွဲးပွယ်ꩻ ဟန်ႏသနီꩻကိုနောဝ်ꩻ ညောင်ႏရွီႏဝေင်ꩻနယ်ႏကို ကအောဝ်ႏဒါႏ အွိုင်ႏနနွဲး
၊အွိုင်ႏလွယ်ခေါ်၊ အွိုင်ပင်တဖြေꩻ၊ အွိုင်ႏတနွိုင်ꩻဝွိုန်၊အွိုင်ႏသဖြေꩻကွုန်ꩻကို ကအောဝ်ႏဒါႏ ခမ်းသားအများဖုံႏ ကျွꩻထင်ႏလွဥ်တဲင် တွိုင်ႏပင်ႏ မွဥ်းဖျင်လွောင်ႏဗူႏ တသာလွေꩻယင်း ဝေင်ꩻနယ်ႏညောင်ႏရွီႏ၊ ဝေင်ꩻနယ်ႏကောႏမတီႏစွိုꩻတွမ်ႏ ဝေင်ꩻနယ်ႏထာꩻမာꩻအမုꩻဆောင်ႏစွိုꩻ နောဝ်ꩻသွူ။
