ကွိုက်ꩻပေါင်ꩻသွꩻအာ ဖေႏကထွာဟဝ်ထူႏ လွောင်ႏဗူႏအကျိုꩻ နီလိုꩻသီးမဥ်ႏလွောက်ꩻနာႏ သာႏယာႏခမ်းထီ ထွာနွောင်ꩻအီဒါႏ တရာꩻလစ်ꩻပါꩻယို ထွာဒျာႏ ဟန်ႏနီꩻအတာႏ
ငေါဝ်းရာႏဖန်းဖြယ် ဒေါ့ꩻနယ်ခရာႏသွူသြ။
နဝ်ꩻတွော့ꩻ အမုဲင်တာ
နီလိုꩻသီးအချင်ꩻချင်ꩻယို အရေꩻကိုမဥ်ႏအဝ်ႏလိုႏ
တွမ်ႏတခြိုꩻလဲ့ လူꩻတန်ꩻစွဲကမ်း တွမ်ႏနမ်းလဲ့ကူႏငီႏ ပါႏရမီႏဒါႏနယိုတမျိုꩻ
လိုꩻချင်ꩻသွꩻဖက် မဥ်ႏစွော့ꩻတက်ဝင်ꩻလဲ့
ငေါဝ်းအွီႏငွါသာႏ ဒေါ့ꩻနာႏရောင်လွ ပေယျဝဇ္ဇယိုလဲ့တစား
သွꩻဖက်ဖူးဝေး တဖြာꩻဖြာꩻ ထာꩻယပ်ꩻထာꩻမာꩻမဥ်ႏမော့ꩻ သꩻမောင်ꩻကော့ꩻမဲဥ်လꩻချာ တစွိုးစွိုးခါလဲင်ꩻမယူႏ အွဥ်ႏသꩻဖျူႏတခြွိုꩻတွမ်ႏနမ်း ထောက်ကမ်းပါ သꩻအာႏရဲင်ꩻ မတ်တောင်ꩻသဲင်ꩻ အတ္ထစရိယယိုလဲ့တစား
ဝင်ꩻနမ်း နီနမ်း ဆင်းရန်းခွယ်ꩻချာꩻ ကမာꩻအဲဥ်ထဝ်း စွော့ꩻလဝ်းလို့ဒျာႏ ခြွေခြွေကေန်ꩻကေန်ꩻ၊
လိုꩻတွိုင်ꩻအလောင်း သꩻကြောင်းမေတ္တာႏ ကရုဏာႏသꩻညင်ꩻ တရျားဝင်ꩻအွဥ်ႏပီ ကင်ꩻအီမာႏန ရက်လွဝင်ꩻဖုံႏ
နဝ်တွော့ꩻ ဟဝ်ယူႏခရာႏ လစ်ꩻပါꩻတရာꩻယို
နီလိုꩻသီးစွုမ်းဖြာꩻ မဥ်ႏမယ်ꩻခါꩻ မဥ်ႏလွောက်ꩻနာႏကျင်ꩻသွုံꩻလွေꩻနဝ်ꩻ ထွာဒျာႏ ဖန်ဆင်ꩻတရေꩻ လောကအကျောင်ꩻ ဒင်ႏပျꩻဖန်းဖြယ် စေနယ်ဗာႏသွူသြ။
