စက်တင်ဘာ၂၃ရက်၊၂၀၂၅ခုနှစ်
—————————–
ရှမ်းပြည်နယ်တောင်ပိုင်း တောင်ကြီးမြိုနယ်၊ ထီဖောင်းကျေးရွာအုပ်စု၊ ထီဖောင်းကျေးရွာတွင် တည်ဆောက်ရန် လျာထားသည့် ရှမ်းယူနိုက်တက် အိမ်ကွင်း နေရာကို စက်တင်ဘာ ၁၇ ရက်နေ့တွင် သက်ဆိုင်ရာလူကြီးများက လာရောက်ကွင်းဆင်းကြည့်ရှုခဲ့ကြသည်။
အဆိုပါနေရာတွင် နိုင်ငံတကာအဆင့်မှီ အိမ်ကွင်း၊ လူငယ်စင်တာ၊ အားကစားရုံ၊ ဘောလုံးအကယ်ဒမီနှင့် ရေကူးကန် စသည့် အဆောက်အဦးများ တည်ဆောက်နိုင်ရန် စီမံထားကြောင်း သိရှိရသည်။
ဤစီမံကိန်းတည်ဆောက်ပြီးစီးသွားပါက တောင်ကြီးမြိုနယ်တွင် လူငယ်များအား အားကစားနှင့်ပညာရေးအခွင့်အလမ်းများ ပိုမိုတိုးတက်လာစေမည်ဟု မျှော်မှန်းထားသည်။
