စန္တာႏခမ်း၊ စက်တင်ဘာ(၂၁)နီꩻ၊ ၂၀၂၅
ပအိုဝ်ႏစွိးခွိꩻတပ်မတောႏ (PNA) စန္တာႏခမ်း သတင်ꩻတွမ်ႏလောဝ်းဟွိန်ရေꩻဌာန ဗွောင်လွေꩻရွုမ်ꩻခန်ꩻ
စန္တာႏခမ်းဖြိုတန်မွန်ဗန်ရေꩻအခင်ကို စက်တင်ဘာလာ(၂၀)နီꩻ မွူးရဝ်ꩻခိုႏ ၁၀:၄၀ နာႏရီႏခိန်ႏအကျောင်ꩻ
ရွုမ်ꩻဗွောင်ပွယ်ꩻအကို ဗွေႏသံဃာႏတောႏတန်သီးတွမ်ႏ ဗဟိုႏ ခမ်း နယ်ႏ တာႏဝွန်ႏအောဝ်ႏပုဂ္ဂိုလ်ႏဖုံႏ ခွန်ဖြားဗွာခမ်းမီဒီယာအွဥ်ငါစွိꩻတွမ်ႏ စန္တာႏခမ်းနီယိုမီဒီယာစွိꩻဖုံႏကျွꩻထင်ႏလွဥ်လိုꩻအာႏရဲင်ꩻ(၇၀)ရပ်အကျောင်ꩻ၊ ရွုမ်ꩻဗွောင်ပွယ်ꩻအခြပ်ရဲဥ်ႏကို (၁၀:၄၀)နာႏခိန်ႏ ဒင်ႏကီထင်ႏရွုမ်ꩻဆိုင်းဘုတ်ထွူ စန္တာႏခမ်းနီယိုမီဒီယာဥက္ကဌ ခွန်ထွိက်ခမ်းဒေါ့လွေꩻဖေႏငေါဝ်းသရေꩻကျိုꩻဆွုမ်ႏတွမ်ႏ စန္တာႏခမ်း ဖြားခမ်းဗွေႏနမ်းခြောင် ဖြားခွန်သောင်းတင် ဒေါ့လွေꩻဖေႏစီႏမံႏဖန်းဖြယ်ရွဥ်ရံႏပွုႏအကျောင်ꩻခရာႏ ပအိုဝ်ႏစွိꩻတပ်မတောႏ (PNA) ဗဟိုႏသတင်ꩻတွမ်ႏလောဝ်းဟွိန်ရေꩻဌာန ဗိုလ်မူးခွန်ဆန်းအောင် နမ်းခြောင်တန်အနေႏ ခွန်အာကာဒေါ့ခြုဲင်းနယ်ဖေႏ ကဖွဲဗူႏဗာႏမီဒီယာစွိꩻအကျောင်ꩻခရာႏထွူ စန္တာႏခမ်းဘဏ္ဍာႏရေꩻကောႏမတီႏခွန်ထွန်းအေးဒေါ့လွေꩻဖေႏငေါဝ်ႏဖေႏအာႏပိုလီꩻတွမ်ႏ ငေါဝ်ႏကေꩻဇူꩻတန်ထွူ ၁၁:၄၀ခိန်ႏနောဝ်ꩻ ဗွောင်လွေꩻ စန္တာႏခမ်း သတင်ꩻတွမ်ႏလောဝ်းဟွိန်ရေꩻ ရွုမ်ꩻခန်ꩻ အောင်ႏမျင်ႏလဲဥ်းအကျောင်ꩻသေထွꩻဗာႏနောဝ်ꩻသွူ
အထူꩻဒေႏသ(၆) နမ်းခြောင်တင် နီယိုမီဒီယာသတင်ꩻဌာနယို လွောင်ႏဗူႏတသေႏခါꩻဒျာႏ ခမ်းလစ်ꩻခမ်း အကျောင်ꩻသေထွꩻဗာႏသွူ ။
